என் காதல் சொல்ல தேவை இல்லை

நீங்கள் காதல் கொண்டதுண்டா
உங்களை யாரேனும் காதலித்தது உண்டா

வெள்ளை உடையில்
உங்கள் காதல் வலம் வர
தூரம் சென்று ரசித்தது உண்டா

கண்கள் பார்க்கும் முன்
உங்கள் காதலின் வரவை
சுவாசம் உணர்த்தியது உண்டா

உறக்கம் கலைந்த
நடு இரவில் உறங்காமல்
உறங்கும் உங்கள் காதலை ரசித்தது உண்டா

கண்ணீர் கரிக்கும்
முத்தம் சுவைத்தது உண்டா

உன்னோடு நான் வாழ்ந்த ஒவ்வொரு மணி துளியும்
மரண படுக்கையிலும் மறக்காது கண்மணியே
என்ற வரிகளின் அர்த்தம் உணர்ந்தது உண்டா

தினம்  தினம்
ஒருவரிடம் ஒருவர்
தோற்று கொண்டே வெற்றி கொண்டது உண்டா

இவற்றில் ஏதேனும் இல்லை எனில்
மன்னிக்கவும்
என் காதல் உங்களுக்கு புரிவதர்கில்லை